"ქართული ოცნების" თავმჯდომარე ირაკლი კობახიძემ არჩევნების წინასწარი შედეგების შესახებ ბრიფინგი გამართა. მან თქვა, რომ ქვეყნის მასშტაბით 20 მუნიციპალიტეტში მეორე ტურის ჩატარება ცალსახაა.
"მეორე ტურის ჩატარება აუცილებელი გახდა 20 მუნიციპალიტეტში. ჩვენთვის განსაკუთრებით საწყენია, რომ მეორე ტურის ჩატარება საჭირო გახდა თბილისშიც, თუმცა, ბუნებრივია ეჭვი არავის გვეპარება, რომ კახა კალაძე საბოლოოდ მოიგებს ამ არჩევნებს. ძალიან მნიშვნელოვანია, რომ კახი კალაძეს ეყოლება მყარი უმრავლესობა, თბილისის საკრებულოში მომდევნო 4 წლის განმავლობაში", - განაცხადა ირაკლი კობახიძემ.
