COVID 19-ით ინფიცირების ახალი შემთხვევა გამოვლინდა ქუთაისში. ინფიცირებული 60 წლის მამაკაცი ტრაილერის მძღოლია და როგორც ცნობილია, კონტაქტები არ ჰყავს.
პაციენტს უტარდება შესაბამისი კვლევები და მისი ჯანმრთელობის მდგომარეობის შესახებ დეტალები ხვალ გახდება ცნობილი.
ცნობისთვის, საქართველოში კორონავირუსის 26 ახალი შემთხვევა დაფიქსირდა და სულ დადასტურებული შემთხვევების რაოდენობა 1250-ს შეადგენს.
გამოჯანმრთელდა 10 პაციენტი და სულ ქვეყანაში კორონავირუსისგან განკურნებულია 1010 ადამიანი. საქართველოში კორონავირუსით გამოწვეული გართულებების შედეგად გარდაცვლილია 17 პაციენტი. კარანტინის რეჟიმში იმყოფება 7068 ადამიანი. სტაციონარში მეთვალყურეობის ქვეშ - 242. უცხოეთიდან სამკურნალოდ გადმოყვანილია 41 მოქალაქე.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
ანტონ თათვიძე
ავტორი