კომუნიკაციების ეროვნული კომისიის ინფორმაციით, 2019 წლის IV კვარტალში სატელევიზიო რეკლამების უდიდესი ნაწილი სპორტ, ტურიზმსა და გართობას დაეთმო. ამ ტიპის რეკლამამ 487 საათი შეადგინა.
379 საათი დაეთმო ინდუსტრიასა და სერვისებს, ხოლო 351 საათი მედიცინას დაეთმო.
ცნობისთვის, 2018 წელს კომერციული სატელევიზიო რეკლამა დარგების მიხედვით ასე ნაწილდებოდა
▪️სასმელები - 22 %
▪️ჯანმრთელობა და თავის მოვლა - 17 %
▪️კვება - 16 %
▪️გართობა, სპორტი, ტურიზმი - 8 %
▪️სხვა დარგები - 37%
კომისიის ცნობითვე ყველაზე მეტი მაყურებელი ჰყავს სერიალს, შემდეგ პოზიციაზეა საინფორმაციო კონტენტი და თოქშოუს ფომატის გადაცემები.
კომუნიკაციების ეროვნული კომისიის ინფორმაციით, 2019 წლის IV კვარტალში მაყურებლის მიერ პირდაპირი ეთერისთვის დათმობილი დრო გადაცემათა კატეგორიების მიხედვით ასე გამოიყურება:
სერიალი - 49 წუთი დღეში
საინფორმაციო - 35 წუთი დღეში
თოქ შოუ - 26 წუთი დღეში
შეგახსენებთ, 2019 წლის მეოთხე კვარტალში ტელე-მაუწყებლების სარეკლამო შემოსავლებმა სულ 22,492,308 ლარი შეადგინა.
2019 წლის მეოთხე კვარტალში მნიშვნელოვანი კლება, მხოლოდ სამაუწყებლო კომპანია „რუსთავი 2“ ჰქონდა. კერძოდ „რუსთავი 2“-მა 2019 წლის მეოთხე კვარტალში გასული წლის იმავე პერიოდთან შედარებით 7,336,934. 00 ლარით ნაკლები სარეკლამო შემოსავალი მიიღო.
კომუნიკაციების ეროვნული კომისიის ინფორმაციით, სატელევიზიო სარეკლამო შემოსავლები რეკლამას, სპონსორობას, პროდუქტის განთავსებას, განცხადებებს და ტელეშოპინგს მოიცავს.
2019 წლის მეოთხე კვარტალში, სატელევიზიო სარეკლამო შემოსავლები მაუწყებლების ჭრილში ასე გადანაწილდა:
ტელეიმედი - 9,891,702.51 ლარი
სამაუწყებლო კომპანია რუსთავი 2 – 5,009,224.00 ლარი
საზოგადოებრივი მაუწყებელი - 656,171.18 ლარი
ტელეკომპანია პირველი - 1,423,321.00 ლარი
მთავარი არხი - 2,426,619.30 ლარი
ცნობისთვის, სამ ტელევიზიას წლების განმავლობაში დაგროვილ საბიუჯეტო დავალიანება მართებს: "რუსთავი 2" - 28 მლნ ლარი, "იმედი"-19 მლნ ლარი და "მაესტრო"- 8 მლნ ლარი.
ფინანსთა მინისტრმა გუშინ დეპუტატებს უთხრა, რომ ტელევიზიები დაგროვილ დავალიანებებს მომდევნო 5 წლის განმავლობაში გადაიხდიან.
ბელა გელაშვილი
ავტორი