ბოლო 24 საათში საქართველოში კორონავირუსით გამოწვეული გართულებების შედეგად 33 პაციენტი გარდაიცვალა. სულ ქვეყანაში ვირუსით გარდაცვლილია 599 ადამიანი.
თბილისში - 11, აჭარაში - 11, იმერეთში - 7, ქვემო ქართლში - 1, გურიაში -1, ხოლო მცხეთა-მთიანეთში - 2 ადამიანი.
გამოვლინდა 3,120 ახალი შემთხვევა და ინფიცირებულთა რაოდენობა 69 681-მდე გაიზარდა.
გამოჯანმრთელდა 2,358 პაციენტი და საერთო რაოდენობა 52 169-ს შეადგენს.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
