აზერბაიჯანის გენერალური პროკურატურის პრესსამსახურის ინფორმაციით, ქალაქ ფიზულიში ავტომობილის აფეთქების შედეგად ოთხი ადამიანი დაიღუპა. ამის შესახებ აზერბაიჯანული report.az იუწყება.
წინასწარი ვერსიით, ავტომობილი ტანკსაწინააღმდეგო ნაღმზე აფეთქდა.
მომხდართან დაკავშირებით, აზერბაიჯანის პროკურატურამ აზერბაიჯანის სისხლის სამართლის კოდექსის 100.2 და 116.0.6 მუხლებით სისხლის სამართლის საქმე გახსნა, რაც მშვიდობისა და საზოგადოების უსაფრთოების წინააღმდეგ მიმართულ დანაშაულებსა და მასშტაბური განადგურებას გულისხმობს.
შემთხვევის ადგილზე დანიშნულია ექსპერტიზა და ინტენსიური საგამოძიებო მოქმედებები მიმდინარეობს.
