თავში

ნავალნის მოწამვლის შესახებ დოკუმენტური ფილმი გადაიღეს

ნავალნის მოწამვლის შესახებ დოკუმენტური ფილმი გადაიღეს
ნავალნის მოწამვლის შესახებ დოკუმენტური ფილმი გადაიღეს

HBO Max-მა და CNN Films-მა რუსი პოლიტიკოსის ალექსეი ნავალნის მოწამვლის შესახებ დოკუმენტური ფილმი მოამზადეს. ამის შესახებ Deadline იუწყება.

დოკუმენტური თრილერი „ნავალნი“ მაყურებელს ოპოზიციონერი პოლიტიკოსის მოწამვლაზე, მის მკურნალობაზე, რუსეთში დაბრუნებასა და დაკავებაზე მოუთხრობს.

ფილმის რეჟისორი კანადელი დოკუმენტალისტი დანიელ როერი იყო. მან ფილმს "ერთი ადამიანისა და ავტორიტარული რეჟიმის წინააღმდეგ მისი ბრძოლის წარმოუდგენელი ისტორია" უწოდა.

ფილმის გამოსვლის თარიღი ჯერჯერობით უცნობია.

ფილმი ნაჩვენები იქნება HBO Max-ის სტრიმინგის სერვისზე და ასევე გავა CNN-ზე ჩრდილოეთ ამერიკაში.

26 ივლისს რუსეთის სამეთვალყურეო სააგენტომ "როსკომნადზორმა" ოპოზიციონერი პოლიტიკოსის, ალექსეი ნავალნის ვებგვერდი navalny.com დაბლოკა.

შეგახსენებთ, რომ რუსეთის საგამოძიებო კომიტეტმა რუსი ოპოზიციონერის, ალექსეი ნავალნის წინააღმდეგ სისხლის სამართლის ახალი საქმე აღძრა.

2014 წლის ბოლოს რუსეთის სასამართლომ ძმები ალექსეი და ოლეგ ნავალნები "ივ როშეს საქმეზე“ თაღლითობაში დამნაშავედ ცნო. ოლეგ ნავალნის 3,5 წლით პატიმრობა მიუსაჯეს, ალექსეი ნავალნის კი - პირობითი სასჯელი. რუსეთის სასჯელაღსრულების ფედერალურმა სამსახურმა სასამართლოს მიმართა, რადგან, უწყების განცხადებით გერმანიის კლინიკიდან გამოწერის შემდეგ ნავალნიმ რუსეთის ინსპექციაში არ გამოცხადდა.

რუსეთის სამართალდამცავი ორგანოების თანამშრომლებმა გერმანიიდან დაბრუნებული ოპოზიციონერი ალექსეი ნავალნი 17 იანვარს, ღამით "შერემეტიევოს" აეროპორტში, საპასპორტო კონტროლზე, პირობითი სასჯელის დარღვევის მიზეზით დააკავეს.

მოსკოვის საქალაქო სასამართლომ ალექსეი ნავალნის პირობითი სასჯელი რეალურით შეუცვალა. რუს ოპოზიციონერს საერთო რეჟიმის კოლონიაში 3.5 წლით თავისუფლების აღკვეთა მიესაჯა.

დასავლეთი ნავალნის დაკავებას გმობს და მის გათავისუფლებას ითხოვს.

მიმდინარე წლის აგვისტოში, მოსკოვში მიმავალი რუსი ოპოზიციონერი, ალექსეი ნავალნი თვითმფრინავში ცუდად გახდა და ავიალაინერის სასწრაფოდ დაშვება გახდა საჭირო. ნავალნი ომსკის საავადმყოფოში ტოქსიკოლოგიურ განყოფილებაში მოათავსეს, საიდანაც სამკურნალოდ ბერლინის საავადმყოფოში გადაიყვანეს. გერმანიაში ჩატარებულმა სამედიცინო კვლევამ დაადგინა, რომ რუსი ოპოზიციონერი ნერვული აგენტით, "ნოვიჩოკით" იყო მოწამლული და ფაქტი კრემლის მხრიდან ოპოზიციონერის მკვლელობის მცდელობად შეფასდა. რუსეთის ხელისუფლება ბრალდებებს უარყოფს და აცხადებს, რომ ინციდენტთან კავშირი არა აქვს.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system