დედაქალაქისთვის ბრძოლასთან დაკავშირებული სიტუაციის ესკალაციის შემთხვევაში, ლიბიის მთავრობა თურქეთს სამხედრო დახმარებისთვის ოფიციალურად მიმართავს, - Reuters-ის ინფორმაციით, ამის შესახებ ქვეყნის შინაგან საქმეთა მინისტრმა, ფათჰი ბაშაღამ განაცხადა.
"თუკი სიტუაცია გამწვავდება, ჩვენ ტრიპოლისა და მისი მოსახლეობის დაცვის უფლება გვაქვს", - აღნიშნა მინისტრმა.
მანამდე თურქეთის პრეზიდენტმა, რეჯეფ თაიფ ერდოღანმა განაცხადა, რომ ლიბიაში ჯარის შეყვანის მოთხოვნის პარლამენტში წარდგენას გეგმავს.