აზერბაიჯანმა მდინარე მტკვარზე უჯარ-ზარდაბ-აგდაბედის მონაკვეთზე ახალი საავტომობილო ხიდი ააშენა. ხიდის სიგრძე 175,4 მეტრია და ხოლო სიგანე 4 მეტრია.
რესპუბლიკური მნიშვნელობის უჯარ-ზარდაბ-აჯაბედის გზა იწყება ქალაქ უჯარის შესასვლელიდან და 70 კილომეტრის გავლით ქალაქ აგდაბედიდან სამხრეთით, იგი უკავშირდება R18 მინგეჩევირი-ბაჰრამტეპეს გზას.
საერთო ჯამში, პროექტის ფარგლებში აშენდა 7 გზის ხიდი, რომელთა სიგრძეა 20-დან 175 მ-მდე.
შეგახსენებთ, საქართველო და აზერბაიჯანი მტკვრის დაყოფაზე მუშაობენ. აზერბაიჯანი ასევე თურქეთის მხარესთან აწარმოებს მოლაპარაკებებს მტკვრის წყლების დაყოფასა და მართვაზე.
ცნობისთვის, მდინარე მტკვარი ამიერკავკასიის უდიდესი მდინარეა, რომელიც სათავე იღებს თურქეთში 2742 მ-ზე, ყიზილ-გიადუკის მთის აღმოსავლეთ კალთაზე. ერთვის კასპიის ზღვას აზერბაიჯანის ტერიტორიაზე. მისი სიგრძე 1515 კმ-ია. აუზის ფართობი 188 ათ. კმ².
საქართველოში მოქცეულია მტკვრის შუაწელის დაახლოებით 400 კმ მონაკვეთი. მტკვარი ყველაზე გრძელია აზერბაიჯანში, სადაც მისი სიგრძე 906 კმ-ს უდრის.
მტკვრის აუზი მოიცავს: სომხეთის ტერიტორიას მთლიანად, აზერბაიჯანისა და საქართველოს ტერიტორიის დიდ ნაწილს, აგრეთვე თურქეთისა და ირანის ტერიტორიის ნაწილს.
ბელა გელაშვილი
ავტორი