ნავთობპროდუქტების იმპორტიორთა კავშირის ცნობით, 2021 წლის პირველი ოთხი თვის განმავლობაში საქართველოში აზერბაიჯანიდან იმპორტით 1,0 ათასი ტონა საავიაციო ნავთი შემოვიდა, რაც ამ პროდუქტის მთლიანი ოთხთვიანი იმპორტის 6,2%-ია. მიმდინარე წლის მხოლოდ აპრილში საქართველომ აზერბაიჯანისგან 0,5 ათასი ტონა საავიაციო ნავთი იყიდა. 2021 წლის აპრილის თვეში საავიაციო ნავთის მთლიან იმპორტში 9,6%-ი აზერბაიჯანზე მოდის.
2021 წლის იანვარ-მარტში აზერბაიჯანიდან საქართველოში იმპორტირდა 0,5 ათასი ტონა საავიაციო ნავთი, რაც მთლიანი იმპორტის 4,5%-ი იყო.
წელს პირველ ოთ თვეში, იანვარ-აპრილში, საქართველოში ყველაზე დიდი ოდენობით, 10,3 ათასი ტონა, (მთლიანი იმპორტის 63,6%) საავიაციო ნავთი იმპორტირდა თურქმენეთიდან. თურქეთიდან საქართველომ წელს პირველ ოთხ თვეში შეიძინა 1,9 ათასი ტონა საავიაციო ნავთი, რაც მთლიანი იმპორტის 11,7%-ია.
რაც შეეხება სხვა ქბვეყნებიდან საავიაციო საწვავის იმპორტს, ის ასე გამოიყურება:
იტალიიდან - 1,5 ათასი ტონა (მთლიანი ოთხთვიანი იმპორტის 9,2%)
აზერბაიჯანიდან - 1,0 ათასი ტონა (მთლიანი ოთხთვიანი იმპორტის 6,2%)
საბერძნეთიდან - 1,0 ათასი ტონა (მთლიანი ოთხთვიანი იმპორტის 6,2%)
რუსეთიდან.- 0,5 ათასი ტონა (მთლიანი ოთხთვიანი იმპორტის 3,1%)
ცნობისთვის, 2021 წლის იანვარ-აპრილის თვეების განმავლობაში საავიაციო ნავთის იმპორტმა შეადგინა 16,2 ათასი ტონა, რაც 3,3 ათასი ტონით ანუ 16,9%-ით ნაკლებია გასული წლის ანალოგიური პერიოდის მაჩვენებელთან (19,5 ათასი ტონა) შედარებით.
ბელა გელაშვილი
ავტორი