საქართველოს ტერიტორიაზე მოედინება 26,060 მდინარე საერთო სიგრძით 60,000 კილომეტრი. მტკვარი მათ შორის ყველაზე მსხვილია. საქართველოს ტერიტორიაზე მისი სიგრძე 351 კილომეტრია, ხოლო სრული სიგრძე საქართველოსა და აზერბაიჯანში 1,364 კილომეტრი.
როგორც report.ge-ს UNDP-იდან აცნობეს, გლობალურ გარემოსდაცვით ფონდთან (GEF) ერთად, დაგეგმილია გონივრული წყალმოხმარებას და მტკვრის ძვირფასი რესურსების მდგრადი მართვა. პროექტი UNDP - GEF Kura II-ის სახელითაა ცნობილი და გულისხმობს წყლის რესურსების ინტეგრირებული მენეჯმენტის განვითარებას (მდინარე მტკვრის აუზის ტრანსსასაზღვრო შეთანხმებული მოქმედებებისა და ეროვნული გეგმების მეშვეობით) . მტკვრის აუზის სტრატეგიულ სამოქმედო პროგრამა საქართველოსა და აზერბაიჯანის მთავრობებთანაა შეთანხმებული. საქართველო და აზერბაიჯანი მტკვრის დაყოფაზე მუშაობენ.
პროექტის განხორციელებას გლობალურ გარემოსდაცვით ფონდი 5 329 452 აშშ დოლარით დააფინანსებს. ამისთვის თანხა გამოყვეს აზერბაიჯანისა და საქართველოს მთავრობებმაც. პროექტის განხორციელების პერიოდი გრძელდება 4 წლის განმავლობაში.
შეგახსენებთ, მდინარე მტკვარი ამიერკავკასიის უდიდესი მდინარეა, რომელიც სათავე იღებს თურქეთში 2742 მ-ზე, ყიზილ-გიადუკის მთის აღმოსავლეთ კალთაზე. ერთვის კასპიის ზღვას აზერბაიჯანის ტერიტორიაზე. მისი სიგრძე 1515 კმ-ია. აუზის ფართობი 188 ათ. კმ².
საქართველოში მოქცეულია მტკვრის შუაწელის დაახლოებით 400 კმ მონაკვეთი. მტკვარი ყველაზე გრძელია აზერბაიჯანში, სადაც მისი სიგრძე 906 კმ-ს უდრის.
მტკვრის აუზი მოიცავს: სომხეთის ტერიტორიას მთლიანად, აზერბაიჯანისა და საქართველოს ტერიტორიის დიდ ნაწილს, აგრეთვე თურქეთისა და ირანის ტერიტორიის ნაწილს.
ბელა გელაშვილი
ავტორი