2020 წლის საქართველოში საწვავის უმსხვილეს იმპორტიორ ქვეყანათა სამეულში შედიან: რუსეთი, რუმინეთი, აზერბაიჯანი.
ამის შესახებ REPORT GE-ს ნავთობპროდუქტების იმპორტიორთა კავშირიდან აცნობეს.
2020 წლის იანვარ-ივნისის თვეების განმავლობაში ბენზინისა და დიზელის საწვავის იმპორტის ყველაზე დიდი მოცულობა განხორციელდა რუსეთიდან - 176,0 ათასი ტონა, რაც მთელი იმპორტის 35,3%-ს შეადგენს.
რუმინეთზე მოდის მიმდინარე წლის 6 თვეში განხორციელებული იმპორტის 18,1%-ი, ხოლო 17,8 %-იანი წილით მესამე ადგილს იჭერს აზერბაიჯანი.
ბენზინის და დიზელის იმპორტის საერთო მოცულობაში წილობრივი გადანაწილება ქვეყნების მიხედვით ასე გამოიყურება:
რუსეთი - 176,0 ატასი ტონა (35,3%),
რუმინეთი - 90,2 ათასი ტონა (18,1%),
აზერბაიჯანი - 88,8 ათასი ტონა (17,8%),
თურქმენეთი - 50,3 ათასი ტონა (10,1%),
ბულგარეთი - 36,6 ათასი ტონა (7,4%);
საბერძნეთი - 21,4 ათასი ტონა (4,3%),
ყაზახეთი - 20,3 ათასი ტონა (4,1%),
თურქეთი - 9,1 ათასი ტონა (1,8%),
გაერთ. ემირ. – 1,5 ათასი ტონა (0,3%),
ავსტრია - 1,3 ათასი ტონა (0,3%);
შვეიცარია - 1,1 ათასი ტონა (0,2%);
სინგაპური - 1,0 ათასი ტონა (0,2%);
ჰონკონგი - 0,2 ათასი ტონა (0,1%).
ცნობისთვის, 2020 წლის იანვარ-ივნისის თვეების განმავლობაში საქართველოში ბენზინისა და დიზელის საწვავის იმპორტმა 497,9 ათასი ტონა შეადგინა, რაც 3,6 ათასი ტონით ანუ 0,7%-ით მეტია გასული წლის ანალოგიური პერიოდის მაჩვენებელთან (494,3 ათასი ტონა) შედარებით.
ბელა გელაშვილი
ავტორი