მსახიობი პატრიცია ჰიჩკოკი ო'კონელი, ცნობილი რეჟისორის ალფრედ ჰიჩკოკის ერთადერთი ქალიშვილი, 93 წლის ასაკში გარდაიცვალა. ინფორმაციას ამის შესახებ გამოცემა Variety ავრცელებს.
მსახიობის ქალიშვილის, კეტის თქმით, პატრიცია ჰიჩკოკი 9 აგვისტოს კალიფორნიაში გარდაიცვალა.
პატრიცია ალფრედ ჰიჩკოკისა და მისი მეუღლის, კინო მემონტაჟე ალმა რევილის ერთადერთი შვილი იყო. 1939 წელს ოჯახმა ბრიტანეთი დატოვა და ლოს-ანჯელესში დასახლდა.
მსახიობმა ითამაშა მამის ორ ფილმში - დეტექტივში "უცხოები მატარებელში" (1950) და თრილერში "ფსიქო" (1960).
1950-იან წლებში მან სერიალში "ალფრედ ჰიჩკოკი წარმოგიდგენთ" ათზე მეტ ეპიზოდში ითამაშა.
მედიის ცნობით, მსახიობის გარდაცვალება ბუნებრივი მიზეზების გამო მოხდა.
