მოსწავლე-ახალგაზრდობის ეროვნულ სასახლეში ეროვნული კულტურის შესახებ მეცნიერული ნაშრომის პრეზენტაცია მიმდინარეობს. ღონისძიება ქართული ხალხური სიმღერის საერთაშორისო ცენტრის ორგანიზებით იმართება.
„საქართველო. ისტორია. კულტურა. ეთნოგრაფია“ - ასე ჰქვია ნაშრომს, რომელიც ინგლისურ ენაზეა გამოცემული და წარმოადგენს ქართული კულტურული მემკვიდრეობის შესახებ კვლევას.
წიგნის შექმნის იდეა ამერიკული საგამომცემლო სახლის NOVA SCIENCE-ის პრეზიდენტს ფრენკ კოლუმბუსს და მისი მეუღლეს, ნადია გოცირიძე-კოლუმბუსს ეკუთვნით. მათ იდეით ეთნომუსიკოსს და ლოტბარს ანზორ ერქომაიშვილს მიმართეს. პროექტის განხორციელებას მხარი ბიძინა ივანიშვილმა დაუჭირა. საერთაშორისო საქველმოქმედო ფონდმა „ქართუმ“ კი ფინანსურად უზრუნველყო პროექტის მომზადება.
ნაშრომი აერთიანებს 1901 წლიდან დღემდე ჩაწერილი უნიკალური ქართული ხალხური სიმღერების, საგალობლების, საკრავიერი მუსიკის და ხალხური ცეკვების 2491 ნიმუშს.
"სამტომეულის ავტორების მიზანია ეს ნაშრომი მსოფლიოს მრავალი ქვეყნის უმსხვილეს არქივებსა და ბიბლიოთეკებს დაეგზავნოს”. - ნათქვამია ინფორმაციაში.
