10 აპრილს, 13:00 საათზე, მირზა ფატალი ახუნდოვის სახელობის აზერბაიჯანული კულტურის მუზეუმში გაიმართება გამოჩენილი საზოგადოებრივ-პოლიტიკურ მოღვაწის, მასწავლებლის, ექიმის, მწერლის, პუბლიცისტის, დრამატურგის ნარიმან ნარიმანოვის წიგნის პრეზენტაცია. ნარიმან ნარიმანოვის ნამუშევრები პირველად ითარგმნა ქართულად.
მკითხველებისთვის შემოთავაზებულ წიგნში აზერბაიჯანულ და ქართულ ენაზე მწერლის სამი ნაწარმოებია თავმოყრილი: პიესები – „უგუნურება“ და „ნადირ შაჰი“, რომანი – „ბაჰადური და სონა“. პიესა „უგუნურება“ მისი პირველი მწერლური ცდაა, რომელიც საქართველოში დაიწერა.
პიესით „ნადირ შაჰი“ ნარიმანოვმა აზერბაიჯანულ ლიტერატურაში ისტორიული ჟანრის ტრაგედიას დაუდო სათავე – დაიწერა აზერბაიჯანში. ხოლო „ბაჰადური და სონა“ აზერბაიჯანულ მხატვრულ ლიტერატურაში პირველი რომენია. თარგმანის ავტორი ოქტაი ქაზუმოვია, პროექტის ხელმძღვანელი და წინასიტყვაობის ავტორი კი ეკონომიკის მეცნიერებათა დოქტორი აიგიულ ისაევაა.