ამერიკულმა კომპანია Warner Music-მა ბრიტანელი მუსიკოსის, დევიდ ბოუის ყველა სტუდიური ალბომის უფლება შეიძინა. Report.ge-ს ცნობით, ამის შესახებ გამოცემა Variety იუწყება.
წყაროების თანახმად, გარიგებამ 250 მილიონ დოლარზე მეტი შეადგინა.
Warner Chappell Music Publishing-ის საკუთრებაში გადავიდა ბოუის 26 სტუდიურ ალბომში შესული სიმღერები და მუსიკოსის გარდაცვალების შემდეგ გამოსული ალბომის, Toy-ის სიმღერები, რომლის პრემიერა 7 იანვარს შედგება.
უცხოური მედიის ინფორმაციით, ალბომის სახელწოდებაა Toy (სათამაშო). ალბომი 2000-იანი წლების დასაწყისში შეერთებულ შტატებში ჩაიწერა და მომღერლის ნაკლებად ცნობილ, ადრეულ ნამუშევრებს შეიცავს. ალბომის პრეზენტაცია 2001 წელს, სტუდიასთან კონფლიქტის გამო არ შედგა.
გარდა ამისა, გარიგებაში შედის ბოუის ჯგუფის Tin Machine-ის ორი სტუდიური ალბომი, ასევე რამდენიმე სხვა სინგლი.
