გარდაცვლილი ფეხბურთელის გიორგი შაქარაშვილის საქმეზე ბრალდებული ვახტანგ ჩიქოვანის დედა ამბობს, რომ საქმის „ოქროს მოწმე“ გურამ ამირხანაშვილი იძულებით არავის წაუყვანია თბილისში და ის "ტოიოტა ქამრის" მგზავრებს თავად შეუხტა. მისი თქმით, ის გაგნიძის დედას ეუბნებოდა "ამ ბავშვებმა გადამარჩინესო".
ჩიქოვანის დედამ ამირხანაშვილს „დემორალიზებული და ნასედკა“ უწოდა.
„გამოძიება ტყუის, პროკურატურა ტყუის და არ არის საერთოდ არაფრის მტკიცებულება. გჯერათ, რომ მაგას საათი ჰქონდა? პროკურატურის დადებულია ეგ დეზინფორმაცია. ვახო არის 100%-იანი მართალი ყველაფერში, უნდათ, რომ უდანაშაულო ბავშვებს შეაწმინდონ სხვისი მკვლელობა.
ამირხანაშვილი თვითონ შეუხტა მანქანაში და გაგნიძეს დედას ეუბნებოდა გადამარჩინეს ამ ბავშვებმაო, წამომიყვანეს იქედანო. ამირხანაშვილი არის დემორალიზებული ძალიან ცუდი, "ნასედკა" ბავშვი“, – ამბობს ჩიქოვანის დედა.
