თბილისის საქალაქო სასამართლოში ორგანიზაცია „უფლებები საქართველოს“ (ყოფილი კონსტიტუციის 42-ე მუხლი) თბილისის სახელმწიფო უნივერსიტეტის წინააღმდეგ ორი სარჩელი შეაქვს. ამის შესახებ ინფორმაციას არასამთავრობო ორგანიზაცია ავრცელებს. მათი ცნობით, ორგანიზაციის იურისტები ერთ-ერთი ლექტორის ინტერესებს დაიცავენ.
„უფლებები საქართველო“ სასამართლოში თსუ-ს იმ ლექტორების ინტერესებს დაიცავს, რომლებსაც განსხვავებული მოსაზრებების გამოთქმის გამო, უნივერსიტეტში პედაგოგიური საქმიანობის უფლებას არ აძლევენ.
„უფლებები საქართველო“ მიიჩნევს, რომ თსუ-ს მხრიდან მოხდა ლექტორების მიმართ განსხვავებული მოსაზრების ნიშნით განხორციელებული დისკრიმინაციის ფაქტი.
თსუ-ს წინააღმდეგ მომზადებული სარჩელები გამყარებულია არაერთი მტკიცებულებით, მათ შორის, საქართველოს სახალხო დამცველის მიერ გაცემული რეკომენდაციით, რომლის მიხედვითაც სახალხო დამცველმა დაადგინა თსუ-ს მხრიდან განსხვავებული მოსაზრების ნიშნით პირდაპირი დისკრიმინაციის ფაქტი,"-ნათქვამია განცხადებაში.
