გარდაცვლილი თამარ ბაჩალიაშვილის ოჯახის ადვოკატის თქმით, აშშ-ის ფედერალური ბიუროდან ექსპერტების მოწვევას მოითხოვს, რათა გარდაცვლილის პირადი კომპიუტერის გახსნა მოხერხდეს.
"უკვე მივმართე შესაბამის ორგანოს და საელჩოს. ძალიან მალე, ალბათ აშშ-დან მოვითხოვ, ფედერალური ბიუროდანაც მოხდეს სპეციალური ექსპერტების მოწვევა, რომ მოხდეს კომპიუტერის გახსნა. იმიტომ, რომ ჯერ 21-ე საუკუნეს ვერ მივაღწიეთ საქართველოში. აღმოჩნდა, რომ ვერ ხსნიან. როცა უნდათ დაშინების და გაჩუმების მეთოდებით ხსნიან, როცა უნდათ ევაჭრებიან, აშინებენ", - განაცხადა მიხეილ რამიშვილმა.
შეგახსენებთ, ფონიჭალიდან გაუჩინარებული 23 წლის თამარ ბაჩალიაშვილი, 4 დღის შემდეგ, 22 ივლისს, თეთრიწყაროში, საკუთარ ავტომობილში გარდაცვლილი იპოვეს.
