აჭარის მთავრობის შენობის პიკეტირებისას დაკავებული 4 პირი, ბათუმის საქალაქო სასამართლომ კანონდამრღვევად ცნო. თითოეულ მათგანს მოსამართლემ 1500 ლარიანი ჯარიმა შეუფარდა.
გია ხალვაში, რეზო ხარაზი, ბეგლარ ფუტკარაძე და ალექსანდრე მილორავა 15 ნოემბერს დააკავეს. მათ გამოძიება პოლიციის კანონიერი მოთხოვნისადმი დაუმორჩილებლობას ედავება.
თავად ბრალდებულები წარდგენილ ბრალს უარყოფენ და აცხადებენ, რომ მათი მხრიდან აჭარის მთავრობის შენობის შესასვლელის პიკეტირება არ მომხდარა.
