ბუტა რობაქიძის საქმეზე ბრალდებულ, ირაკლი ოქრუაშვილის და ზურაბ ადეიშვილის აღკვეთის ღონისძიებაზე, სასამართლო ხვალ იმსჯელებს. პროცესი 10:00 საათზეა ჩანიშნული.
საქართველოს გენერალურმა პროკურატურამ, ბუტა რობაქიძის საქმეზე ირაკლი ოქრუაშვილსა და ზურაბ ადეიშვილს ბრალი 19 ნოემბერს წარუდგინა.
პროკურატურა ირაკლი ოქრუაშვილს და ზურაბ ადეიშვილს უფლებამოსილების ბოროტად გამოყენების მუხლით ედავება.
დანაშაული სამიდან რვა წლამდე თავისუფლების აღკვეთას ითვალისწინებს.
