ფეხბურთელ გიორგი შაქარაშვილის საქმეზე კიდევ ერთი პირი ცნეს დაზარალებულად. ვახო ახვლედიანის ადვოკატის, მზია ქასრაშვილის თქმით, მისი დაცვის ქვეშ მქოფს დაზიანებები აქვს მიყენებული.
„მას ცხვირი და შუბლი აქვს გატეხილი. მან ეს დაზიანებები მეორე ეპიზოდში მიიღო. ვინ მიაყენა დაზიანებები ვერ ასახელებს, იმიტომ, რომ ღამე იყო და თუ ტელეფონით ან მანქანის შუქით არ გაანათებდა, ვერ დაინახავდა. ვიღაცამ ჩაარტყა, არ ვიცი მუშტი იყო თუ ხელში რაიმე ჰქონდა", - განაცხადა მზია ქასრაშვილმა.
გიორგი შაქარაშვილის დაკარგვის შესახებ 19 ივნისს აცნობეს პოლიციას. ფეხბურთელის სამძებრო ღონისძიებები 4 დღის განმავლობაში მიმდინარეობდა.
საქმეზე გამოძიება საქართველოს სსკ-ის 225-ე, 143-ე და 126-ე მუხლებით მიმდინარეობს.
