საქალაქო სასამართლოს მოსამართლემ, რამდენიმე წუთის წინ, 18 ნოემბერს აქციაზე დაკავებული 6 პირის საქმეზე, განაჩენი გამოაცხადა.
ლუკა ჭიჭინაძეს და გიორგი ბუნტურს 5 -5 დღიანი პატიმრობა შეეფარდათ. ელგუჯა ბაგრატიონს 12 დღე, ბექა ბასილაიას 13 დღე, ხოლო ზუკა ბერძენიშვილს 7 დღე.
კიდევ ერთ დაკავებულს, გურამ მჭედლიშვილს მოსამართლემ 1000 ლარიანი ჯარიმის გადახდა დააკისრა.
მოსამართლის გადაწყვეტილებას დარბაზში სტვენა და ხმაური მოჰყვა.
შეგახსენებთ, რომ დაკავებულებს გამოძიება ადმინისტრაციული კოდექსის 166-ე და 173-ე მუხლებით ედავება, რაც 15 დღით თავისუფლების აღკვეთას ან ფინანსურ სანქციას გულისხმობს. სულ აქციაზე 37 პირი დააკავეს.
