დღეს, 14:00 საათზე, გენერალურ პროკურატურაში ტელეკომპანია „კრეატივის“ გენერალური დირექტორის ზურაბ გუმბარიძის გამოკითხვა იგეგმება. ამის შესახებ ინფორმაცია report.ge-ს უწყებაში დაუდასტურეს.
ზურაბ გუმბარიძე უწყებაში “ინტერმედიას" საქმეზეა დაბარებული, რომელიც ტელეკომპანია „რუსთავი 2“-ის კონტრაქტორი კომპანიაა.
„ინტერმედიიდან“ დოკუმენტაცია პროკურატურამ უკვე ამოიღო. საქმე ნიკა გვარამიას წინააღმდეგ, "რუსთავი ორის" ერთ-ერთი ყოფილი მეწილის, ნინო ნიჟარაძის საჩივარს ეხება, რომელიც გვარამიას უფლებამოსილების ბოროტად გამოყენებას ედავება.
შეგახსენებთ, რომ ტელეკომპანია "ფორმულამ" მაუწყებლობა 1-ელ ოქტომბერს დაიწყო.
შორენა სურმანიძე
ავტორი