სურამში ყოფილი ცოლის მკვლელობის საქმეზე დაკავებულ ლევან ლომიძეს აღკვეთის ღონისძიების სახლით პატიმრობა შეეფარდა. გორის რაიონულმა სასამართლომ სრულად დააკმაყოფილა პროკურატურის შუამდგომლობა აღკვეთის ღონისძიებად პატიმრობის გამოყენებასთან დაკავშირებით. როგორც საქმის პროკურორმა განმარტა, არსებობდა ბრალდებულის მიმალვის საფრთხე. ბრალდების მხარის პოზიციას დაცვის მხარეც დაეთანხმა. პროცესს თავად ბრალდებულიც ესწრებოდა. ის აღიარებს ჩადენილ დანაშაულს და თავს დამნაშავედ ცნობს.
სურამში ყოფილმა ქმარმა ყოფილი ცოლი სავარაუდოდ ნაჯახით მოკლა. 26 წლის ქალს სიცოცხლესთან შეუთავსებელი რამდენიმე ჭრილობა ჰქონდა მიყენებული.
