წყალტუბოს მუნიციპალიტეტში ორი მამაკაცის მკვლელობის ფაქტზე ერთი პირი დააკავეს.
გამოძიების მიხედვით, დაკავებულმა ყოფით ნიადაგზე დაწყებული ურთიერთშელაპარაკების შედეგად, თავის ნათესავ ძმებს სანადირო თოფიდან გასროლით სხეულზე ჭრილობები მიაყენა და მიიმალა.
შსს-ში აცხადებენ, რომ დაკავებული 1992 წელს დაბადებული პირია. ის სამართალდამცველებმა ცხელ კვალზე დააკავეს. მას ბრალად დამამძიმებელ გარემოებაში ჩადენილი 2 პირის განზრახ მკვლელობა ედება.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს.