პარლამენტის თავმჯდომარის, კახა კუჭავას განცხადებით, ტიკარაძის ჯანდაცვის მინისტრის თანამდებობიდან წასვლა სახელისუფლებო გუნდში რაიმე დაპირისპირებას არ უკავშირდება.
"როდესაც სხვადასხვა ფორმატებში ვიკრიბებოდით, არც კი იგრძნობოდა რაიმე დაპირისპირება. გადადგომებზე არა მხოლოდ ტიკარაძის, არამედ ნებისმიერი მინისტრის შესახებ, ყოველდღე მიდის ჭორაობა. ადრე თუ გვიან, როდესაც ეს ფაქტი ხდება, შემდეგ ამას ვამბობთ. სამი წელია, ეს ადამიანი იყო ჯანდაცვის მინისტრი. სამი წლის შემდეგ მან ეს გადაწყვეტილება მიიღო. დეტალებზე ალბათ თვითონ ისაუბრებენ", – განაცხადა კუჭავამ.
ცნობისთვის, საქართველოს ჯანდაცვის მინისტრმა თანამდებობა დატოვა.
