საქართველოს ექს-პრეზიდენტი და ოდესის ოლქის გუბერნატორი მიხეილ სააკაშვილი აცხადებს, რომ პრეზიდენტ ვლადიმერ ზელენსკისთან ურთიერთობა არ გაუფუჭდება, ისე, როგორც ეს პეტრო პოროშენკოს შემთხვევაში მოხდა. ამის შესახებ მან "Україна 24-ის" ეთერში განაცხადა.
სააკაშვილმა ზელენსკის მამაცი უწოდა, რახან ეს თანამდებობა შესთავაზა.
"პრეზიდენტთან ერთად მე სქემებს დავამსხვრევ", - განაცხადა სააკაშვილმა.
ამასთან, სააკაშვილის თქმით, ის "ქართულ გუნდს" აღარ შეკრებს, როგორც ეს პოროშენკოს დროს მოხდა.
"მე ვფიქრობ, რომ აქ საკმარისი უკრაინელია, იმისთვის რომ მათ ცხოვრებაში თავისი ადგილი და როლი იპოვონ", - განაცხადა მან.
მიხეილ სააკაშვილის რეფორმების საკითხში ვიცე-პრემიერის პოსტზე წარდგენის საკითხს მმართველი პარტია "ხალხის მსახური" დღეს განიხილავს. დადებითი გადაწყვეტილების შემთხვევაში, დანიშვნას უკრაინის პარლამენტი ხვალინდელ პლენარულ სხდომაზე უყრის კენჭს.
22 აპრილს საქართველოს ექს-პრეზიდენტმა და ოდესის ოლქის ყოფილმა გუბერნატორმა მიხაილ სააკაშვილმა განაცხადა, რომ უკრაინის პრეზიდენტმა, ვლადიმერ ზელენსკიმ რეფორმების საკითხში ვიცე-პრემიერის პოსტი შესთავაზა და რადაში პროგრამას მალე წარადგენს.
