თამარ კორძაიას შემდეგ, "რესპუბლიკური პარტია" ლევან ბერძენიშვილმაც დატოვა.
მისი თქმით, გადაწყვეტილების მიზეზი პარლამენტში ფრაქციის შექმნა გახდა.
"დიახ მეც დავტოვე, მივმართე პარტიის თავმჯდომარეს. არ ვეთანხმები პარტიის კურსს, ფრაქციის შექმნას", - განაცხადა ბერძენიშვილმა "მთავართან" საუბრისას.
ცნობისთვის, თამარ კორძაიამ "რესპუბლიკური პარტია" დღეს დატოვა.
კორძაია ამბობს, რომ პარლამენტში საქმიანობას უპარტიო და უფრაქციო დეპუტატის სტატუსით გააგრძელებს.
ცნობისთვის, გუშინ, 3 ივნისს, პარლამენტში ახალი, ოპოზიციური ფრაქცია შეიქმნა, რომელსაც "რესპუბლიკური პარტიის" წევრი, ხათუნა სამნიძე უხელმძღვანელებს.