ავსტრალიის ყველაზე მხცოვანმა მამაკაცმა, 111 წლის დექსტერ კრუგერმა მისი ხანგრძლივი სიცოცხლის საიდუმლო გაამჟღავნა. ინფორმაციას ამის შესახებ Associated Press ავრცელებს.
პენსიაზე გასული ფერმერი აღნიშნავს, რომ მისი საიდუმლო ქათმის ტვინია. ის მას ხშირად მიირთმევდა და ამ ფაქტს მისი 74 წლის შვილიც ადასტურებს.
აღსანიშნავია, რომ მოხუცთა თავშესაფარში არსებული პერსონალი გაოცებით აღნიშნავს კრუგერის მეხსიერებას. მათი თქმით, 111 წლის კაცის კვალობაზე, მისი მახსოვრობა ძალიან კარგია.
