სომხეთის თავდაცვის სამინისტრომ აზერბაიჯანის საზღვარზე გუშინდელი შეტაკებების დროს საკუთარი დანაკარგების შესახებ მონაცემები გამოაქვეყნა.
ინფორმაციის თანახმად, 17 ნოემბრის დილის მდგომარეობით, დანამდვილებით ცნობილია ერთი დაღუპული ჯარისკაცის შესახებ, კიდევ 13 ტყვედ აიყვანეს, 24-ის ბედი უცნობია.
უწყებაში აღნიშნეს, რომ დაკარგული სამხედროების მოსაძებნად ინტენსიური სამუშაოები მიმდინარეობს. სამინისტროს ცნობით, მოწინააღმდეგე მხარემ ორ საბრძოლო პოსტზე მოიპოვა კონტროლი.
