გლაზგოს კლიმატის სამიტზე COP26 40-ზე მეტი ქვეყანა შეთანხმდა, რომ ქვანახშირის გამოყენებაზე თანდათანობით უარს იტყვის. ინფორმაციას The Guardian ავრცელებს.
ქვანახშირის მომხმარებელი ქვეყნები, მათ შორის კანადა, პოლონეთი, უკრაინა და ვიეტნამი, ელექტროენერგიის წარმოებისთვის ქვანახშირის გამოყენებას თანდათანობით შეწყვეტენ.
უფრო მდიდარი და დიდი ქვეყნები ამას 2030-იან წლებში, ხოლო პატარა ქვეყნები 2040-იან წლებში გააკეთებენ.
ხელმომწერი ქვეყნები იღებენ ვალდებულებას, უარი თქვან ქვანახშირზე მომუშავე ახალი ელექტროსადგურების მშენებლობაზე და ამ სფეროში ინვესტიციები განახორციელონ.
"ქვანახშირის წარსულში დატოვების" მიზანი დიდი ბრიტანეთისთვის, როგორც COP26 სამიტის მასპინძლისთვის, საკვანძო მომენტი იყო. იქ თვლიან, რომ ამან მსოფლიო გლობალური გათბობის შეზღუდვის გზაზე უნდა დააყენოს.
