6 წლის პალესტინელი გოგონა ნანგრევებში მოყოლილი იპოვეს, მას შემდეგ, რაც ისრაელმა ღაზას სექტორზე საჰაერო იერიში მიიტანა.
შემზარავ კადრებს Reuters ავრცელებს. გოგონა 7 საათის განმავლობაში ნანგრევებში იყო მოყოლილი.
სუზი ეშკუნტანა ღაზას საავადმყოფოში გადაიყვანეს. დაბომბვას ემსხვერპლა მისი დედა და 4 და-ძმა. რაც შეეხება გოგონას მამას, მასაც მძიმე ჭრილობები აქვს მიღებული და მკურნალობას ერთად გადიან.
პალესტინასა და ისრაელს შორის კონფლიქტი მაისის დასაწყისში გამწვავდა. მაშინ ისრაელის ხელისუფლებამ აღმოსავლეთ იერუსალიმში რამდენიმე არაბული ოჯახის გასახლება დაიწყო, რამაც პალესტინელების მხრიდან არეულობები და პროტესტი გამოიწვია. 10 მაისს სიტუაციაში "ჰამასი" ჩაერთო, რომელიც ღაზას სექტორს აკონტროლებს. ამის შემდეგ, ისრაელმა იერიშები მიიტანა ღაზას სექტორზე.
A six-year-old Palestinian girl was found deep inside a pile of rubble, after her home in Gaza city was hit during an Israeli airstrike https://t.co/uHhgJ6FixW pic.twitter.com/VqLonvgE3N
— Reuters (@Reuters) May 17, 2021