აღმოსავლეთ ჩინეთის აკვატორიაში ორი გემის შეჯახებას ერთი ადამიანი ემსხვერპლა, ორს კი ამ დრომდე ეძებენ. ინფორმაციას ადგილობრივი მედია საზღვაო დეპარტამენტზე დაყრდნობით ავრცელებს.
ცნობილია, რომ ნიშანი SOS მას შემდეგ გავრცელდა, რაც პანამაში რეგისტრირებული სატვირთო გემი და ჩინური თევზჭერი ერთმანეთს დაეჯახნენ. მაშველებმა წყლიდან 4 ადამიანი ამოიყვანეს.
სამძებრო-სამაშველო ოპერაციაში სანაპირო დაცვის გემები, თევზჭერები და სხვა სამოქალაქო გემები მონაწილეობს. ინციდენტის ადგილას ნავიგაცია დროებით შეზღუდულია.
