არაბთა გაერთიანებული საემიროები 10 იანვრიდან არავაქცინირებულ პირებს საზღვარგარეთ გამგზავრებას აუკრძალავს. Report.ge-ს ცნობით, ინფორმაციას Reuters ქვეყნის საგარეო საქმეთა მინისტრისა და საგანგებო სიტუაციებისა და კატასტროფების მართვის ეროვნული სამსახურის წარმომადგენლის განცხადებაზე დაყრდნობით ავრცელებს.
ამასთან, გავრცელებული ინფორმაციით, მოგზაურობისთვის ორი დოზით აცრა საკმარისი არ იქნება და მსურველებს "ბუსტერიც" უნდა ჰქონდეთ გაკეთებული.
რეგულაცია სამედიცინო ან ჰუმანიტარული გამონაკლისების მქონე პირებზე არ ვრცელდება.
