არგენტინის პრეზიდენტმა ალბერტო ფერნანდესმა, ყოფილი პრეზიდენტის კარლოს მენემის გარდაცვალების გამო, ქვეყანაში სამდღიანი გლოვა გამოაცხადა. ამის შესახებ განცხადებას სახელმწიფოს მეთაურის ადმინისტრაცია აქვეყნებს.
ტვიტერის ოფიციალურ გვერდზე ფერნანდესმა არგენტინის 47-ე პრეზიდენტის დაღუპვის გამო მწუხარება გამოთქვა.
"ის ყოველთვის ირჩევდა დემოკრატიას, იგი იყო პრეზიდენტი, ლა რიოხას პროვინციის გუბერნატორი და სენატორი. დიქტატურის პერიოდში მას დევნიდნენ და ციხეში გაგზავნეს", - წერს ფერნანდესი.
არგენტინის 47-ე პრეზიდენტი კარლოს მენემი დღეს, 91 წლის ასაკში, გარდაიცვალა.
კარლოს მენემი არგენტინის პრეზიდენტის თანამდებობას 1989-1999 წლებში იკავებდა.
