ჩინეთის არმიის ახალ სტრატეგიულ ატომურ წყალქვეშა ნავს რაკეტის გადატანა შუძლია, რომელიც სამიზნეს აშშ-ის ნებისმიერ წერტილში გაანადგურებს. ინფორმაციას South China Morning Post ავრცელებს. სუბმარინის 094A "ცზინის" დემონსტრირება 30 აპრილს, სამხედრო-საზღვაო ძალების 72-წლისთავისადმი მიძღვნილ ზეიმზე მოხდა.
JL-3 ტიპის მყარსაწვავიანი კონტინენტთაშორისი რაკეტის სიჩქარე საათში 10-12 ათას კილომეტრს აღწევს.
ჩინური მხარის განცხადებით, 094A ტიპის წყალქვეშა ნავი 094-ის მოდერნიზებული ვარიანტია. ახალ მოდელს უფრო მაღალი სიმძლავრის რაკეტების - JL-3-ის გადატანა შეუძლია. ისინი აშშ-ის ნებისმიერ წერტილში მიაღწევენ. მის წინამორბედ JL-2-ის ტიპის რაკეტებს კი წვდომა აშშ-ის მხოლოდ ჩრდილო-აღმოსავლეთ ნაწილზე ჰქონდათ. ექსპერტების განცხადებით, JL-3-ს რამდენიმე ბირთული ქობინის ტარება შეუძლია.
ჩინეთის შეაიარაღებულ ძალებს დღეს 094 ტიპის, სხვა და სხვა მოდიფიკაციის 6 წყაქვეშა ნავი ჰყავს. ისინი კიდევ 2-ის აშენებას აპირებენ, რომლითაც 092-ის ტიპის მოძველებულ მოდელებს ჩაანაცვლებენ.