ამერიკის შეერთებული შტატების სახელმწიფო დეპარტამენტი აგრძელებს სანქციების დაწესებას რუსული გაზსადენის - "ჩრდილოეთ ნაკადი 2-ის" მშენებლობაში და დაფინანსებაში მონაწილე კომპანიებისათვის. ინფორმაციას Politico.com ავრცელებს.
ახალი სანქციების ამოქმედების საკითხს 19 მაისს კონგრესში განიხილავენ.
აშშ-ოს კონგრესში პროექტ "ჩრდილოეთ ნაკადი-2-ის" წინააღმდეგ სანქციებს ორივე პარტიამ დაუჭირა მხარი. პროექტის თანახმად, ბალტიის ზღვის ფსკერის გავლით, რუსეთიდან გერმანიამდე ბუნებრივი აირის მიმწოდებელი გაზსადენი უნდა აშენდეს. მილსადენის 95% უკვე აშენებულია და მშენებლობის დასრულებას რუსეთი სექტემბრისთვის გეგმავს. პროექტს ეწინააღმდეგება ბალტიის ქვეყნები, პოლონეთი, უკრაინა და ამერიკა.
"ჩრდილოეთ ნაკადი-2-ის" წინააღმდეგ სანქციების დაწესების მიუხედავად, აშშ ცდილობს, კარგი ურთიერთობის შენარჩუნებას გერმანიასთან, რომელიც აღნიშნულ პროექტს მხარს უჭერს.
შეერთებულ შტატებში აცხადებენ, რომ "ჩრდილოეთ ნაკადი-2" გაზრდის გერმანიის დამოკიდებულებას რუსეთზე და ზიანს მიაყენებს უკრაინას.
მედეა ცხოვრებაძე
ავტორი