23 სექტემბერს, ვაშინგტონში გაიმართება ცერემონია, რომელზეც ერაყის ხელისუფლებას შუმერული ეპოსის, "გილგამეშის" ტექსტიანი ლურსმული დაფა გადაეცემა.
თიხის ძეგლი 3500 წლისაა. დაფა მსოფლიოში ერთ-ერთ უძველეს ტექსტად ითვლება.
არტეფაქტი ერაყის მუზეუმიდან 1991 წელს, ოპერაცია "უდაბნოს ქარიშხლის" დროს მოიპარეს. აშშ-ში ის უკანონოდ შეიტანეს და 2014 წელს კომპანია Hobby Lobby-ს 1,67 დოლარად მიჰყიდეს. შემდეგ ის ვაშინგტონში ბიბლიის მუზეუმს გადაეცა.
2021 წლის ივლისში აშშ-ის იუსტიციის დეპარტამენტმა გადაწყვიტა, ფასდაუდებელი ისტორიული ძეგლი და კიდევ 17,000 არტეფაქტი, რომლებიც უკანონოდ იქნა შემოტანილი შეერთებულ შტატებში, ერაყისთვის დაებრუნებინა.
