აშშ-ის შტატ უისკონსინის კაზინოში სროლის შედეგად 7 ადამიანი დაშავდა. ინფორმაციას ამის შესახებ CBS ავრცელებს.
სამართალდამცავების თქმით, ეჭვმიტანილი დაკავებულია და ისინი შენობას ათვალიერებენ.
შემთხვევის ადგილზე ათობით პოლიციელი მივიდა. დაზარალებულთა მდგომარეობის შესახებ ინფორმაცია ჯერჯერობით უცნობია.
"კაზინო Oneida ინციდენტის შემდეგ დაიხურა. ყველა საჭირო ინფორმაცია მოგვიანებით გახდება ხელმისაწვდომი", - ნათქვამია დაწესებულების განცხადებაში.
