კოსმოსური სივრცე ამერიკის შეერთებულ შტატებსა და მის მოწინააღმდეგეებს შორის საბრძოლო მოქმედებების პოტენციურ არენად ხდება, ამიტომ ვაშინგტონი, საჭიროების შემთხვევაში, კოსმოსში აგრესიის მოსაგერიებლად მზად უნდა იყოს. ამის შესახებ ნათქვამია აშშ-ს ახალ ეროვნულ კოსმოსურ სტრატეგიაში, რომელიც თეთრი სახლის ვებ-გვერდზე გამოქვეყნდა.
”აბსოლუტურად აუცილებელია, რომ ამერიკის შეერთებულმა შტატებმა ეროვნული უსაფრთხოების უწყებების მუშაობის პოლიტიკის, სტრატეგიების, დოქტრინების, უსაფრთხოების საიდუმლოების პრინციპების, ასევე მტრული ქმედებების შეჩერებისთვის აუცილებელი ძალების ადაპტაცია მოახდინოს და საჭიროების შემთხვევაში, აშშ-ის ინტერესები კოსმოსში დაიცვას", - აღნიშნულია დოკუმენტში.
ამ ამოცანების შესრულება აშშ-ის კოსმოსურ ძალებს უნდა დაევალოს, რომელიც 2019 წლის დეკემბერში შეიქმნა.
დოკუმენტში ხაზგასმით აღნიშნულია, რომ კოსმოსური სივრცე "საომარი მოქმედებების" სფეროდ იქცა, რაც აშშ-ის მეტოქეების მხრიდან ვაშინგტონის გამოწვევის სურვილის გამო ხდება.