რუსეთის საგარეო საქმეთა სამინისტროს პრესსპიკერმა მარია ზახაროვას განცხადებით, შეერთებულ შტატებს სურს ქვეყანა კიდევ 55 რუს დიპლომატს, საელჩოსა და საკონსულოების ადმინისტრაციულ - ტექნიკურ თანამშრომლებთან ერთად დაატოვებინოს.
ზახაროვა აღნიშნავს, რომ ეს რეალურად გაძევებას ნიშნავს, რაც დიპლომატიური მიმართულებით მდგომარეობას გააუარესებს.
რუსეთის საგარეო საქმეთა სამინისტროს პრესსპიკერის ინფორმაციით, ამ დროისთვის რუსეთში 130 ამერიკელი დიპლომატი მუშაობს, ხოლო რუსეთის მისიებში ვაშინგტონსა და ორ საკონსულოში, ჰიუსტონსა და ნიუ-იორკში, 200-მდე.
