აშშ-ს სენატმა რუსეთში ელჩის თანამდებობაზე სახელმწიფო მდივნის მოადგილე ჯონ სალივანის კანდიდატურა დაამტკიცა.
კენჭისყრაზე მის კანდიდატურას 70-მა სენატორმა დაუჭირა მხარი, 22 წინააღმდეგი იყო.
ჯონ სალივანის კანდიდატურა რუსეთის მომავალ ელჩად პრეზიდენტმა ტრამპმა 17 ოქტომბერს წარადგინა.
რუსეთში აშშ-ის ყოფილმა ელჩმა ჯონ ჰანთსმანმა, რომელიც ამ თანამდებობაზე 2017 წელს დაინიშნა, რუსეთი 3 ოქტომბერს დატოვა. ის იუტას შტატის გუბერნატორად იყრის კენჭს.
