აშშ-ში ბოლო დღე-ღამეში კორონავირუსის რეკორდული ახალი რაოდენობა - 1 082 549 შემთხვევა გამოვლინდა. ეს პანდემიის პერიოდში ყველაზე მაღალი მაჩვენებელია. Report.ge-ს ცნობით, ინფორმაციას US News ავრცელებს.
ეს წინა კვირის რეკორდს (512 553 შემთხვევა) 2-ჯერ აღემატება.
ამასთან, მედია წერს, რომ ასეთი მაღალი რიცხვი მიზეზი, შესაძლოა, უქმე დღეებიც ყოფილიყო. აშშ-ის რამდენიმე შტატმა მონაცემები 31 დეკემბერსა და ახალი წლის დღეებში არ გაავრცელა.
3 იანვრის მონაცემებით, ამერიკის შეერთებულ შტატებში 7 დღეში ახალი შემთხვევების საშუალო რაოდენობა 480 273-ს შეადგენს.
ამასთან, გავრცელებული ინფორმაციით, 3 იანვრის მდგომარეობით COVID-19-ით საავადმყოფოში 98 ათასი ამერიკელი გადაიყვანეს.
აშშ-ის დაავადებათა კონტროლისა და პრევენციის ცენტრის განცხადებით, ქვეყანაში კორონავირუსის შემთხვევების 95,4% შტამ “ომიკრონზე“ მოდის.
Worldometer-ის ინფორმაციით, ჯამში, აშშ-ში COVID-19-ის 58 040 720 შემთხვევა დაფიქსირდა, საიდანაც 851 439 ადამიანი გარდაიცვალა, 41 901 183 ადამიანი გამოჯანმრთელდა. კორონავირუსის გავრელების მაჩვენებლით ქვეყანა მსოფლიოში პირველ ადგილზეა.