აშშ-ში, ინდიანას შტატში, ორთვიანი პატიმრობა მიუსაჯეს მამაკაცს, რომელიც სასწრაფო დახმარების სამსახურში უმიზეზოდ რეკავდა. ამის შესახებ გამოცემა LADbible წერს.
სასამართლოს ცნობით, 61 წლის დანიელ შრედერი 911-ზე რეკავდა და ოპერატორს სასწარფო დახმარების გაგზავნას სთხოვდა იმ მიზეზით, რომ დაიღალა.
სასწრაფოს ბრიგადა მასთან გამოძახებაზე ოთხჯერ მივიდა, თუმცა აღმოჩნდა, რომ იგი თავს კარგად გრძნობდა და უბრალოდ დაღლილი იყო.
დანიელ შრედერმა აღიარა, რომ გადაუდებელი დახმარების სისტემას ბოროტად იყენებდა.
