აშშ-ის სურსათისა და წამლების ადმინისტრაციამ (FDA) Johnson&Johnson-ის, კორონავირუსის საწინააღმდეგო ვაქცინის მონაცემებში ცვლილებები შეიტანა. პროფილს იმუნური თრომბოციტოპენიის იშვიათი რისკი, მათ შორის სისხლდენა დაემატა. ინფორმაციას Reuters ავრცელებს.
"ვაქცინა Janssen-ის COVID-19-ის საწინააღმდეგო ვაქცინის გამოყენების შემდეგ არასასურველი მოვლენების შესახებ ცნობები იმუნური თრომბოციტოპენიის გაზრდილ რისკზე ვაქცინაციიდან 42 დღის განმავლობაში მიუთითებს", - აღნიშნულია მარეგულირებლის წერილში.
FDA-ს თანახმად, შესაძლო გვერდითი მოვლენები ზომიერ სისხლჩაქცევებს ან კანის ქვეშ სისხლის მცირე ლაქებს, ასევე უჩვეულო ან გადაჭარბებულ სისხლდენას მოიცავს.
Reuters წერს, რომ Johnson&Johnson-სა და AstraZeneca-ს ვაქცინებს, რომლებიც მსგავს პლატფორმაზეა დაფუძნებული, ადრე სისხლის შედედების და თრომბოციტების დაბალი რაოდენობის სხვა იშვიათ კომბინაციასთან აკავშირებდნენ, რომელიც ცნობილია, როგორც თრომბოზი თრომბოციტოპენიის სინდრომით.
მსგავსი რეკომენდაციები Johnson&Johnson-ის ვაქცინაზე სხვა მარეგულირებლებმა, მათ შორის ევროპის წამლის სააგენტომ (EMA) გასცა.
