აშშ-ში, ნევადას შტატში კორონავირუსით ხელახალი ინფიცირების პირველი შემთხვევა დაფიქსირდა, პირი რომელიც დაავადებისგან განიკურნა COVID-19-ით განმეორებით დაინფიცირდა. ამის შესახებ ინფორმაციას საინფორმაციო სააგენტო Aljazeera ავრცელებს.
გამოცემის ინფორმაციით, ქალაქ რენოში მცხოვრებ 25 წლის მამაკაცს COVID-19 პირველად აპრილის შუა რიცხვებში დაუდასტურდა, შემდეგ გამოჯანმრთელდა და მაისში კვლავ დაინფიცირდა. ექიმების განცხადებით, მიუხედავად იმისა, რომ მამაკაცს ორგანიზმში კორონავირუსის ანტისხეულები აღმოაჩნდა, ინფიცირების მეორე შემთხვევა გაცილებით რთულად გადაიტანა.
კორონავირუსით ხელახალი ინფიცირების შემთხვევები ძალიან იშვიათია. მეცნიერებს არ გააჩნიათ ერთმნიშვნელოვანი მოსაზრება იმასთან დაკავშირებით, თუ რამ შეიძლება გამოიწვიოს პაციენტის ხელახალი ინფიცირება.
