COVID-19 შემთხვევების ზრდის ფონზე, ამერიკელებმა საკვებისა და პირველადი აუცილებლობის ნივთების მარაგების შეგროვება ისევ დაიწყეს. ამის შესახებ ადგილობრივი მედია წერს.
"პანიკურმა შესყიდვებმა" გაზაფხულის დონეს ჯერ ვერ მიაღწია, თუმცა სავაჭრო ქსელები ყველაზე მოთხოვნადი პროდუქტების დეფიციტისთვის ემზადებიან.
აღინიშნება მოთხოვნის ზრდა ჰიგიენის ნივთებზე, კონსერვებსა და გაყინულ საკვებზე, რაც მათ ნაკლებობას იწვევს. მაღაზიის მფლობელები ცდილობენ, უზრუნველყონ ყველაზე მოთხოვნადი პროდუქტების არსებობა, მაგრამ ეს ყოველთვის არ არის შესაძლებელი.
ამასთან, შეიცვალა მაღაზიის თაროების შევსების სტრატეგიაც: თუ ადრე საქონელი მხოლოდ გასაღების გარკვეულ დონეზე მოდიოდა, ახლა ყველა ცდილობს, საწყობები წინასწარ შეავსოს.
