რუსულ მედიაზე დაყრდნობით Reuters წერს, რომ აშშ-ში რუსეთის ელჩი ვაშინგტონში ბრუნდება.
აშშ-ში რუსეთის ელჩის, ანატოლი ანტონოვის განცხადებით, ის ოპტიმისტურად არის განწყობილი და იმედოვნებს, რომ მომავალ კვირას ამერიკელ კოლეგებთან დაგეგმილი შეხვედრა კონსტრუქციულად წარიმართება.
მოსკოვმა ელჩი მას შემდეგ გაიწვია, რაც აშშ-ის პრეზიდენტმა ვლადიმერ პუტინს მკვლელი უწოდა. საკუთარი ელჩი კონსულტაციების საბაბით რუსეთიდან აშშ-მაც გაიწვია.
ელჩების დაბრუნების გადაწყვეტილება, ვლადიმერ პუტინმა და ჯო ბაიდენმა ჟენევაში გამართული სამიტის შემდეგ მიიღეს, რომელიც ორივე მხარემ შეაფასა როგორც პრაგმატული სამიტი.
ანტონ თათვიძე
ავტორი