ამერიკაში, ქალაქ ფილადელფიაში, სპორტული ბარის მახლობლად უცნობმა პირმა ცეცხლი გახსნა. ინციდენტის შედეგად 7 პირი დაშავდა. ამის შესახებ ადგილობრივი გამოცემა Philadelphia Inquirer წერს.
ადგილობრივი პოლიციის ცნობით, სროლა ბარში დაწყებული ჩხუბის შემდეგ მოხდა. როგორც გამოცემა აღნიშნავს, ყველა დაზარალებული საავადმყოფოში გადაიყვანეს, სამი მათგანის მდგომარეობა კრიტიკულია.
სამართალდამცავებმა სავარაუდო მსროლელი დააკავეს.
