აშშ-ში, ატლანტაში გამართულ ანტირასისტულ აქციაზე პოლიციამ 36 დემონსტრანტი დააკავა. ამის შესახებ ინფორმაციას CNN ავრცელებს.
პოლიციის განცხადებით, სამართალდამცავებს საპროტესტო ტალღის შესაჩერებლად ცრემლსადენი გაზის გამოყენება მოუხდათ.
შეგახსენებთ, ატლანტაში 12 ივნისს პოლიციამ აფროამერიკელი რეიშარდ ბრუქსი სასიკვდილოდ დაჭრა, მას შემდეგ, რაც არაფხიზელ მდგომარეობაში მყოფმა ბრუქსმა სამართალდამცავებს წინააღმდეგობა გაუწია.
